رد: = (( الدنيا عجايب في عجايب )) =
.. بسم الله الرحمن الرحيم ..
هذي أول روايه أكتبها وبالبدايه ودي أرسل مسج للي شجعني أنقلها للمنتدى وكان ودي أذكره بس أنا عارفه ماراح يرضى ؟؟!!
فشكراً لك أخوي وإن شاء الله تكون الروايه تليق بمستوى المنتدى العالي !!
وثانياً أحب أشكر كل مــن فتح هالروايه وقراها وأعطاني رأيه بصراحه فيها وصدقوني بأقبل أي رأي مهما كان لأن الغلط مو في أني أبدأ بشئ غلط بس الغلط إني أواصل على شئ غلط ؟؟!!
ــــــــــــــــــــــــــــــــــــــــــــــــــ ـ
أبطال الروايه ،،
بيت أبو فهد :
أبو فهد : الأب الحنون ..
أم فهد : الأم اللي تخاف على أولادها من نسمة الهوى ..
جود : البنت الكبيره وعمرها 19 سنه .
فهد : الولد المزاجي وعمره 15 سنه .
فجر : البنت الحبوبه وعمرها 13 سنه .
بيت أهل تركي :
أم تركي : قلبها كبير وطيبه .
تركي : ولدها الكبير وعمره 23 سنه
غلا : البنت المغروره عمرها 21 سنه
أحمد : الولد الحساس وعمره 19 سنه
هدى : البنت المتواضعه وعمرها 17 سنه
بيت أبو ريم :
أبو ريم : الأب الحنون << أخ أبو فهد الكبير .
أم ريم : الأم المتهاونه << أخت تركي .
ريم : البنت الكبيره والدلوعه عمرها 19 سنه << أقرب شخص لقلب جود بنت عمها .
غاده : أطيب قلب بالكون وعمرها 17 سنه .
حنان : البنت المتهوره والمسترجله عمرها 15 سنه .
شوق : أخر العنقود ودلووووعة أهلها عمرها 13 سنه .
صديقات جود :
مها : هي وجود روحين في جسد واحد .
سارا : بنت واقعيه وصداقتها مع جود قويه
أحلام : ملكة الهدوء وتعتبر جود جوها الهادئ .
<< الشخصيات الأخرى تتعرفون عليها من خلال الأحداث .
ـــــــــــــــــــــــــــــــــــــــــــــــ
في يوم من أيام شهر رمضان المبارك أتصلت جود ببنت عمها الغاليه ريم ،،
جود : ريمو وش أخبار خالك تركي ؟؟!!
ريم : بخير الحمد لله توه مفطر عندنا .
جود : ريم مايجيب طاري عني !!
ريم : جود إنت تعرفين تركي يحب يكابر وغير كذا هو مايبي يورطك أكثر مع أهلك يكفي فضايح ..
جود : أسكتي لاتذكريني هذاك ماضي له 7 سنين بس إنت وش تحسين منه يحبني مثل قبل ولا لا ؟؟!!
ريم : وإنت ساكته طوال 7 سنين وجايه ألحين تسألين وش عندك اليوم ؟؟!!
جود : هههههه لا والله إنت تعرفين إني مستحيل أنساه بس ولو حبيت أتطمن ؟؟!!
ريم : والله ياجوجو ماأدري !!
جود : طيب أطلب منك طلب بسيط ؟؟!!
ريم : قولي وأنا أقدر أردلك طلب ؟؟!!
جود : روحي لتركي وقوليله جود تسلم عليك وتقولك كل عام وإنت بخير والشهر عليك مبارك ووو ـــــ ــ ــ
ريم مقاطعتها : نعم نعم ياقلبو إنجنيتي إنت الظاهر !!
جود : تقريباً !!
ريم : أفرضي الولد ماهو يمك تتفشلين على الفاضي وتهينين نفسك !!
جود سكتت لحظه زبعدها قالت : معليه أجرب حظي ونسوي أكشن ؟؟
ريم : آسفه ماأقدر أسمح لك تتفشلين !!
جود : ريوم بلا كلام فاضي أنا قلت روحي قوليله يعني تروحين تقوليله ،،
ريم : مستحيـــــل !!
جود : طيب ياريوم ترا بكذا تخليني أتهور بشئ أعظم ؟؟
ريم : طيب وش حادك ؟؟
جود : أشتقتله ..
ريم : جود وجع وش فيك شاربه شئ !!
جود : يوجع قلب العدو ماشربت إلا فيمتو !!
ريم : هههههههه طيب بأقوله بس تحملي النتائج ؟؟
جود : خلاص أعتمدي ،،
ريم : الله يستر منك بس !!
( طووووط طوووط << قفلوا )
ـــــــــــــــــــــــــــــــــ
’’ راحت ريم لخالها اللي كان جالس مع غاده وحنان يسولف معهم ’’
ريم : خالي أخبارك ؟؟
تركي مستغرب : بخير وش فيك أول مره تشوفيني تراني عندكم من العصر !!
حنان : ههه توها تصحصح بعد الفطور ههههههههه
ريم : ياخف دمك إنت وخشتك أنطمي بس !!
تركي : ههههههه وش فيك معصبه ؟؟
ريم : أنا !!
تركي : لا من جد البنت تعبانه !!
غاده : ريم حبيبتي تبين بنادول !!
ريم : وجع إن شاء الله ياحيوانين << تقوم من عندهم .
وقبل ماتطلع من الغرفه ناظرت بتركي وقالت : تصدق الشرهه مو عليك الشرهه على اللي جايك بيوصل لك خبر ؟؟!!
تركي : هههههههه أخبارك مثل وجهك .......
ريم : طيب خلك قدها !! << تطلع .
تركي يركض وراها : أقول تعالي قصدي مثل وجهك حلوه !!
ريم تدخل غرفتها وتركي وراها ..
تركي : تكفين وشو الخبر !!
ريم : أطلع برا ماتستاهله ؟؟
تركي : طب بخصوص وشو ؟؟!!
ريم : ماراح أقولك برا يلللللا ..
تركي : تكفين سوي فيني اللي تبين بس قولي لي ؟؟!!
ريم : يخص وحده قديمه من العصر الحجري !!
تركي ساكت : ـــــــــــــ !!!!
ريم : أرتحت ألحين يللللللا برا ..
تركي : يخص جود ؟؟!!
ريم مستغربه : بسم الله علي كيف عرفت هو مافي أحد من العصر الحجري إلا هي صح !!
تركي متحمس : وش فيها !!
ريم : ولا شئ بس تسلم عليك وتبارك لك بالشهر !!
أم ريم : ريم تعالي ،،
ريم : عن أذنك الماما تناديني !!
تركي : طيب ياريــ ــ ــ
أم ريم تدخل الغرفه : ريوم ماتسمعين تعالي !!
ريم تقوم : إن شاء الله ؟؟!!
تركي أنسدح وقعد يفكر : ياللـــه صدق الدنيــا دواره توني قبل يومين أفكر فيها وأقول معقوله نستني واليوم جاني خبرها أخيــراً ..
ـــــــــــــــــــــــــــــــــــــــــ
’’ بعدها بأسبوع أم فهد عزمت أم ريم للفطور عندهم وكان تركي عارف إنهم بيرحون عندهم فبعد صلاة التراويح أرسل مسج لريم ..
ليت الوله ياغيمة الشوق ينساب ..
ويهل من عقب الجفا والقطاعه ..
أحباب يالغالين وإن غبتوا أحباب ..
ويبقى للغلا موجود رغم أنقطاعه ..
راعي الوفا ماينتظر سطر وكتاب ..
يحن وكل ماحن لصاحبه طاعه ..
إهداء خاص j
أنصدمت ريم من المسج ودقت عليه تتأكد ’’
ريم : ألو
تركي : هلا
ريم : خالي وش هالمسج !!
تركي : هذا لجود خليها تقراه ..
ريم : من جدك !!
تركي : تراني مشغول وقلت لك وش عندي ؟؟!!
( طوووووط طوووط << قفلوا )
’’ راحت ريم تركض لجود اللي بغت تطير من الفرحه ’’
جود : شفتي يالبى عمره ياريم ..
ريم : لا تفرحين يمكن يلعب عليك !!
جود : أسكتي يرحم والديك تحبين تحطميني إنت !!
ريم : ههههههههههه
جود : هيه ريوم أنتهبي تبينين لتركي ردة فعلي وإذا سألك قولي ماهمها المسج ونطقت إلا بشكراً ويسلم !!
ريم : خيـــر إن شاء الله وش هالحركات السخيفه !!
جود : بكيفي عاد أنا حره !!
ريم : ياربي تومتين على العناد !!
جود : وأموت فيك بعد ؟؟!!
ـــــــــــــــــــــــــــــــــــ
يوم أخر ..
دخل تركي على ريم وهي نايمه بعد الفطور ،،
تركي : ريومي قومي !!
ريم : تكفى خالي خلني تراني تعبانه ..
ريم : بسم الله على روحك ياروح روحي وش فيك !!
ريم : حاسه بدوخه شوي ،،
تركي : قومي أوديك المستشفى ..
ريم تنط ورافعه حاجب ومنزله حاجب : من متى خالي يهتم فيني !!
تركي : هاه ... من زمان بس إنت ماتحسين !!
ريم : ياربي صدقتك الله يخلي المصالح << وترجع لسريرها ..
تركي : ياربي وأنا أقول بنت أختي ذكيه تفهمها عالطاير .. يللللا قولي وش قالت جود !!
ريم : ماقالت شئ ينذكر غير مشكور ويسلم ..
تركي : ألعبي على غيري جود ماتتغير لو أبعد عنها ألف سنه ؟؟
ريم : يرحم أمك يالواثق أطلع برا أبي أنام لاتقعد تسوي نفسك رومنسي بزياااده !!
تركي يطلع : يلللللا بأطلع عساها نومة الـــ ــ ــ ...
ريم : شفت إنك مصلحجي !!
تركي : هههههههههه العوافي ..
ريم : أشوا ..
ــــــــــــــــــــــــــــــــــــــــــــــ
أنتظروا الجزء الثاني ..
وأنا أنتظر ردودكم علي يالحلوين !!
__________________
في الحقيقه والواقع وبصراحه تامه أنا تهورت !!
بس تهور حلـــو !!
كتبت لكم قصه أو بالمعنى الأصح روايه ،،
أتمنى أشوف ردكم بس أبي الصراحه التامه حبايب قلبي ؟؟!!
أنتظركمـ بفااارغـ الصبـــر !!
|
العرض العادي
