قصة رومانسيه لضب وضبه وحب لاخر قطرة

05-11-2007, 06:41 PM

طبعا هذي اول قصة انزلها في المنتدى لاني عضوة جديدة هنا

هذي القصة الله يسلمكم قريتها من زماان وحابه تعرفونها تهببببببببببببببببل

ولا اوصيكم بالردود الزيييييييييييييييييييينه
اللي تسر الخاطر

المهم نبدأ القصة

بين طعوس الربع الخالي ...وعلى كثبان الرمل الحاره ...كانت هناك دوله اسمها دوله بني ضب ....وهي دوله متطورة ماهي مثل دول الحباري ولا مثل دوله الورله .....ولا مثل دوله بني جربوع ..... المهم

تبون الزبدة ....

انه في شارع الملك ضبيب الاول وهو من افخم شوارع الدوله .......كانت فيه))) ضبه (((تتمشى ...تسوع في هالاسواق تتفرج ... وكان فيه ضب مكشخ .....لابس شماغ ريموند وعقال ملكي ابو عنز ومسكب كوبرا والثوب مفصله في الفاخرة.....وشاري قماشه من الكيسائي .....ومعه سبحه عاج وكبك فضه واقلام باركر من ابو خمسميه ....و قاعد يزحف على بطنه في الشارع يهز العكرة من الغناجه هو الثاني يتفرج على الرايحات و الجايات .....
المهم أنه وهو يطامر بعيونه طاحت عيونه على عيون الضبه المزيونة أم العيون اللي كنها عيون جربوع من حلاها .. لف وجهه عنها ياكنه ما لاحظ وهو مناك مندمره اعلومه .... وبدأت حالة الهيجان العاطفي ( تبقبق ) لكن على قوله المثل \\ ))) يا ضب خلك ثقيل ((( ..( * )( * )( * )( * )* أمحق مثل ....((

اما الضبه لا تسالون وش صار لها ... غدت علومها خبطرش ... ما عاد تحس باللي حولها ... وهذا اللي حصلها يسمونه المصارية [ الحب من أول نزرة ] ... ( يا روحي عالثقافة ) ... الضب المكشخ دخل محل وقلبة ينبض بالحب يقول كذا : طنبق طنبق طنبق طنبق طنبق ..الخ .. بس لازم يثقل .. أما هي خفيفة حشا على طول دخلت معاه المحل ... وقامت تدور من حوله تبيه يرقمها ولاكلمه ولو جبر خاطر ولا سلام من بعيد .......
يوم شافت الضب ما منه فايده ولا هوب حاكي بشي .... قامت قالت خلني انا الكبيرة انا الي ببدا ... جلست تبي توزن لها بيتين علشان تقولها له قامت قالت له :::

يازين ياللي ماسك في عكرته منديل ( * )( * )( * )( * )*
يمش خشمه كل ما يصب طوفانه
تكفى تراى هذا هواكم هدني بالحيل ( * )( * )( * )( * )*
واذبحتني نظرة بالحسن مليانه

قال الضب وكان شاعر :
ياضبتي ياحلوة الرجلين والذيل ( * )( * )( * )( * )*
ياحلوة بالجلد الاصفر .. بنت فتانه
العين مثل عيون (بس) تشب بالليل ( * )( * )( * )( * )*
صوبتني وأثرها بالقنص فنانه

............ المهم ..........
شوي وتنزل ذيك الموسيقى الرومانسية .. علامة على انهم حبو بعض .... ودغري على المأذون وكتبوا الكتاب وقرو الفاتحه ... وعاشوا في سبات ونبات وخلفوا ورعان ( أولاد) وبنات وكبروا وكبرت احلامهم معاهم ..

......... المهم ...........
في يوم من الأيام اجتاحت قوات الجرابيع دولة بني ضب .. قام الضب خوينا وكان عمره قد ناهز الستين وزوجته الضبه عمرها على قرب الخمس والخمسين .. قام وشل وراعينه وامهم .. والظاطور اللي كان يشتغل سواق عندهم ... والشغالة السحلية زوحة الظاطور .... وركبهم جميع بالجمس .. وحط ارجوله للبر ...
الرجال مسكين ضاع في البرية ... مسكين حضري ما يعرف البر .. أبوه جا لدولة بني ضب وتمدن وهو ولد بالدولة ولا عمرة راح للبران ولا يعرفها .....

......... المهم ..............
الرجال من طعس لطعس ومن جرف لدحديرة . .. قال لضبته ... ما تدلين يا بنت الضب ؟؟؟؟ .... قالت تعرفني يا ضبيب انا بنت باشاوات .... ولا كنت اتوقع انه بعمري رح يصير كذا لي ... قام وقمز واحد من ضبانه البزران ... وقال .. بابا بابا بابا بابا بابا .... ليث (ليش) ما نثكن ( نسكن ) في جحور نحفل ( نحفر ) لنا تم (كم) جحر ونثكن (ونسكن ) فيها ... ))) معليش الولد اثرم لا حووول (((
قال الضب الشايب انشهد انك جبتها يا صعنون ( اسم الضب الولد) .. وفعلا بدوا بحفر الجحور علشان يعيشون فيها على الاقل مؤقتا ....
الظاطور الفلبيني السواق حقهم .. قال .. بابا .. انا ما فيه يبقى يعيش هنا .. انا ما اقدر كدا كدا .. قال الضب ما حنا ملزمينك خذ سحليتك ورح ديرتك ... قال شكرا بابا .. وراح ...

......... المهم ........
في يوم من الايام وكانو مقيلين في الصالة حقت الجحر الشايب والعيال ... والأم في المطبخ تجهز الغدا ... الا يوم يحسون بذاك الدخان داخل عليهم بالحجر .... .... اثاريه ابدوي حط الهوز وشبكه بالشكمان وقام يدخن عليهم علشان يطلعون .... الضب الشايب صحى وشال عياله ونزلهم مع درج الطوارئ الى غرفة بعيدة بالجحر وقال لا احد يتحرك ... قال في نفسة اربه يزهق ويروح قبل يوصل الدخان هذي الغرفة ... بس ما فيه فايدة .. يوم شاف الضب السالفة ماش والدخان بدى يدخل الغرفة البعيدة ... قال ما بدهاش .... لازم اطلع له علشان ياخذني ولا يجي لورعاني وامهم .. وقام ودع الضبه اللي عاش معها الكثر من اربعين سنه على الحلوة والمرة .... وبوس عياله الصغار اللي قامو يبكون كلهم في مشهد مؤثر ... وودعهم .. ونزل المسدس وعطاهم اياه ... وخرج للبدوي وهو رافع يدة مستسلم ... شفتوا كيف ضحى بنفسه علشان عياله .... شفتوا كيف خرج للبدوي وهو رافع يدري انه مصيره للقدر حق البدوي ؟؟؟!!!! ... هذي التضحيات ولا بلاش ... راح الضب الشيب وخلف لزوجته الضبه المزيونه الذكريات ...... واجمل ايام العمر ..... راح ترك لها الدموع والاحزان ..... ومات الضب في قدر البدوي .... والضبه قالت قصيدة تودع فيها ضبها الحبيب ......

قالت أم صعنون :::( * )( * )( * )( * )$$##@@( * )( * )( * )( * )
صعنون شفت ترى العمر ماهوب في يدي ( * )( * )( * )( * )
ولا في يدينك ترى العمر في يده
سبحانه الرحمن لا عندك ولا عندي ( * )( * )( * )( * )
وما حد خبر بيبان رب الكون منسده
ادعي ترى سهم الليالي دايما يعدي ( * )( * )( * )( * )
وكثر من شكر مولاك ومن حمده
الواسطة ربك ولا محمود ولا حمدي ( * )( * )( * )( * )
ولا قدر الرحمن ترى ما نقدر انرده
مرحوم يا ضب على التسليم منحدي ( * )( * )( * )( * )
عنده عيال سابهم للام من مده
روح وانا على فراق الخل ما ودي ( * )( * )( * )( * )
لكن عشان عيالنا لابد من هده
روح لقدر تحته الدافور منوقدي ( * )( * )( * )( * )
روح وخلاني على االاحزان منكده
يا ضبيب ياللي له صفات مالها عدي ( * )( * )( * )( * )
يابو عكيرة حلوة لاجتك منمده
من كثر دمعي قطر المنديل في يدي ( * )( * )( * )( * )
ابكي كما طفل صغير باقي في مهده
ما بنسى يوم انه يجي يبوس في خدي ( * )( * )( * )( * )
ثم التفت انا عليه وابوس في خده
يا ضبيب لا تنسى ضبيبة مايسه قدي ( * )( * )( * )( * )
عاشت معك على الرخا وعاشت الشدة
ان جيت ابي اضحك على الضحكوالله ما يمدي ( * )( * )( * )( * )
تسبقني الدمعه على الخدين منهده
ودعتك الله يالذي ماخان لي ودي ( * )( * )( * )( * )
وانا التي ماخنت له بعمري موده

طنق طنق طنق طنق طنبق طنق ((( موسيقى حزينه )))

وهكذا راح الضب وبقى الحزن للضبه

THA END

____________________________

ها وش رايكم في القصة

م
ن
ق
ق
وووووووو
ل