"الــشــاعر مطلــق النومــسي"

•·.·°¯`·.·• ( الــلـــيـــل .. وعــيــونــك ) •·.·°¯`·.·•



فاتني .. يسعد مساك .. وتو مـا حلـوّ الكـلام

إحلـو .. والليـل وعيونـك .. زوّدن حـلاوتـه

تعال أسولف لك .. وأفرّش وجنتك ريـش النعـام

وأمسح على راسك وأجيب مـن الحكـي طراوتـه

وأترك عيونك .. في عيوني .. تطوي الرمش وتنام

والرمش ياخذ من عيونك .. لا إنطـوى صحاوتـه

سولف .. وخل النور يلغي بك تضاريـس الظـلام

وإستشرب بروحك .. حيـاة عروقـي المتماوتـه

وإلا بلاش ؟ إسكت ؟ وأنا أحكي بك حكايات الغرام

وإلا شرايـك نفتـرض ؟ دام النسـب متفـاوتـه

لو نفترض إن البحر .. يلثمك .. من تحت اللثـام

أكيـد ريقـك .. يشتـرط علـى البحـر نقاوتـه

ولو نفترض إن القمر .. صلا على خـدك وصـام

أكيـد يعقـد مـن صفـا خـدك أمـل صفاوتـه

ولو نفترض إن الظبا .. بـعيونك أخبره .. الحمام

أكيـد نـار الغيـره .. تـزوّد حطـب عـداوتـه

ولو نفترض إن الهوى قايـم .. وشرطانـك قيـام

أكيـد يعلـن بيـن شرطـان الذهـب .. هداوتـه

ولو نفترض ان الجبل .. صدرك بمتنيـه إستقـام

أكيـد يرضـى بإنخفاضـه عـن فشـل علاوتـه

ولو نفترض إن الوطا القاسي .. حضن رجلك وهام

أكيد يلقى فـي تـرف رجلـك .. وهـم قساوتـه

ولو نفترض إن الفضا .. صدفة لقى منك إهتمـام

أكيـد يشعـر بالرهـاوة .. والأصـل رهـاوتـه

لو نفترض إنك طفل .. ليش أفترض ؟ والله حرام

إلا طفـل مسـرف دلالـه .. وأسـرف بشقاوتـه

طفلٍ شقي .. حـط الحضـارة والبـداوة بإلتـزام

وأعطى الحضاره بعد ثاني .. مـن قيـم بداوتـه

هذا أنت يا فاتن مساي .. وصدق حلّيـت الكـلام
ولولا غزل عيني لعينك .. مـا أشعـر بحلاوتـه

•·.·°¯`·.·• ( سنة مرت على خير ) •·.·°¯`·.·•




سنـة مرت ومـرت على خيـر

سنه تعد الفارقه فـي زمـاني

ليالها غير ودفا ايامها غير

والروح فيها غير والقلب ثاني

كانـت كبيرة والغلا توه صغير

توه حديث العمر والعمر فـاني

والثانيه جتني تسوق التباشير

وهذا بداية ليلها الاولانـي

ابشعل شعر وشموع وتعابير

وعـده اقربلي من اقرب اخواني

حفلة عبث تلقي جميع المحاذير

تشرب عبثها من هدوء الاغاني

لعيون من جاني وانا جيته مغير

لو انـي مدري كيف جيته وجاني

منه المشاوير وعليه المشاوير

الفاتن اللي في عيونه رمانـي

ياحيلة الله يالرموش المفاتير

رمشأ تذكرني ورمش نساني

لو كان شافه جدنا سالم الزير

ماكان يقوي هالغنى والاغواني

الزين مايحتاج والعقـل تنوير

والغنج ميزت لونه الاقحوانـي

يوم الحيا طبق عليه المعابير

تشهد ومات بحياه وحيانـي

حيا ومنظوم الدلع والله يجير

اليا طرالي هرجه الزعفرانـي

لا قلت قرب قال عيب مايصير

ولا قلت بعد قال مابي وماني

لا قلت طيب حلها قال بكير

ولا قلت وينك اشر وقال كاني

كاني وكاني ولاادري وين
ل
كنها يشير على ماعليم الظلوع المحاني

•·.·°¯`·.·• ( مسيـّـت بالخيـر ) •·.·°¯`·.·•


مسيـّـت بالخيـر .. يوم الخيـر .. مســّـى بـك
...........ياللى .. عليك المسـا .. بالصبـح يجمعنـي

هذي حقيقـة .. كشفهـا الوقـت .. بأسبـابك
..........يامن على وصلـك .. الأقدار .. تدفعنـي

أبطيـت . في جيـّـك .. وأسرفـت .. بـ غيابـك
..........وعلـّـقتني .. بين .. تاصلني .. وتقطعنـي

أعوام متناحره .. وأعوام تتشابــك
..........والحظ .. يقطع كلامي .. قبل يسمعنـي

ليـن إعترف .. بالخطا .. يوم الهوى جابك
..........وقبلت عذره .. قبل بالعذر .. يقنعنــي

مانيب .. فاضي .. ياكود لـ هـوسـة أهـدابــك
..........دعنــي ... فديتـك أحـلّل هـوستـه .. دعنــي

طابـت .. ليالي هدبـك .. بـ ريـق عنـّـابك
.........قدام لا أجوع لـه ... مفروض يشبعنـي

يا عيـن جـِـدي .. عسى ما صابني .. صابك ؟؟؟؟؟؟
..........قـول (إيـه) لو كـذب. .. منك الكذب .. ينفعنـي

راضـي .. وأحبك .. وأشيـل .. الحب .. لأحبـابك
.........وأنت .. إخذني .. فوق قاع العشــق .. وإزرعنـي

يمكن ..تماديت ؟؟ لكـن راجـع حسابك
..........وتشووف كيـف أنـت ؟؟ تنـزل بي .. وترفعنـي

أوّّّآآآه .. يوم أسمع الونـّة ورا بـابك
.........أحـس فيها هنيـّـا .. حيـــل ... توجعنـي

حالة لها وقـت .. تذبحني .. وتحيا بك
..........وأنا .. ولا أدري .. مـن المقصود .. والمعنـي

بس أنت ..تدري وش اللى سبـّـب إعجابـك
.......... وتدري وش اللى عــن .. التلميـح .. يمنعنـي

كان .. السبب .. يوم أشوف الوصـل .. بـ غيـابـك
.......... يوم إن .. خيالك .. يفـرّقني .. ويجمعنـي

•·.·°¯`·.·• ( متوجه للقاهره ) •·.·°¯`·.·•




الشعـر وهبة وزّعـت بين الخلايـق والبشـر
....................... مقـسّـمه بين القلوب المذنبة والطـاهـرة

الشعر منهـج فلسفـه بين المحانى والفكر
...................... ضرب إتفاق .. ويبتدى سـرّى .. وعقب مجاهـره

الشعـر مزج مــن الثقافه .. والفراسة .. والعبر
...................... فيه النوايا تختلف الباطنة والظاهـرة

الشعـر خبــث الثعلب اللى جـدّه مـن أمـه نمر
......................خبث ... ودهـاء .. ويعشـق السيـف .. ويقدّس شاهره

الشعـر أبـرد مـن بلاد الروس فى وقـت الفجر
......................وأحـر .. من صحـرا النفود أم الشموس الصاهـره

الشعـر أثقل لا وزنتـه مـن جــلاميد الحجـر
...................... وأخـف .. من كلمة شرف مرّت لسان العاهـره

الشعر ماهــو صبغة الدفتر مـن إنزاف الحبر
....................... الشعـر متعة للعقول المبدعة والباهـره

واللى ماهو شاعر مـاهـو لازم يطــوّل بالسهر
....................... ويترك حديـث الدمـع لأهداب العيون الساهـره

لاصار بيته لا بغى يبنيه ياخــذ له شهـر
....................... يحجـز .. على أول .. طايرة متوجهة للقاهرة

•·.·°¯`·.·• ( خذها على جبهتك ) •·.·°¯`·.·•



ياشي .. مالك شي .. دامك .. ولاشي
....................................... ومقابل اللاشي ... والله غميضه


سكرت أذاني .. عن صدى المنطق السي
....................................... وقلت اتجمل .. والجماله فريضه


حاولت اعزك .. مير عيٍ ... ولد .. عي
...................................... والعي .. ناقص والمراجل نقيضه


ياوي .. من وقت التعاجيب .. ياااااوي
.................................... اثر القلوب .. بشوف زولي مريضه


خذها على جبهتك .. خذها .. كما.. هي
.................................. وتعرف .. وش كبر الشعيب ومفيضه


الاوله : تنجض على قلبك .. النــي
....................................... والثانيه : نيه .. ونفسك نجيضـه


ترى اليهودي .. نجس وينجس شوي
..................................... لاصار .. جدانه .. قبيلة .. قريضه


ياللي خذيت الميت .. في زلة الحي
..................................... ذبح السلوقي ماينجي .. عضيضه


ولا صار مالك .. من جبال اليمن في
..................................... وشلون تطمع .. بالشمال ومقيضه


سمعت راغب .. قال : يمّاي .. يابي
.................................. بس انت ماتسمع .. وش يقول عيضه


يقول : متن طويق .. يسند جبل طـي
................................... والبغض واجب .. للوجيه .. البغيضه


افهم .. يمال الهشل .. والضعف واللي ّ
..................................... وحاول تبرق .. بالخطوط ..العريضه


وان مافهمت آخر علاجٍ .. لك الكـي
..................................... يابا العيون .. الناعسات .. الغضيضه


وبكره تجي .. محقور .. وتقبل يدي
..................................... واقول بدري .. والحضيضه حضيضه


ياشي .. والله بالحقيقه .. ولاشي
..................................... حتى .. ولاشي .. اعتبرها غميضه

•·.·°¯`·.·• ( المسئلة ماهيب صـــوت ) •·.·°¯`·.·•



ماهي نهايات إقتراب ولا بدايات إبتعــــــــــــــاد
ولاهي شفاحة نفس راعيها على اللذة يمـــــوت

ولا هيب نزوة تدفع الجاهل لتحقيق المـــــــراد
ولا هيب سكبة عاري المنسب ليا لبس البشـوت

ولاهي قياسات المسافة من بلاد إلي بــــــــلاد
ولاهي ضحك صنعا على طيبة أهالى حضرمـوت

هي حالة من الشوق تدخل ضمن بند الإعتقـاد
يعنى تعدت مرحلة حرب التمايل والثبـــــــــــوت

حالة توهّج للمشاعر فوق جمرات الفــــــــؤاد
ماهي سماع الصوت لالا المسئلة ماهيب صوت

المسئلة أكبر من التفكير فيها .... والوكـــــاد؟؟
إن الغلا والشوق يبنولك على قلبي بيـــــــــــوت

ياللى خذيتي عن صبايا الكون وضع الإنفــراد
جيت بظفر جدي عقاب وحقّقي لي شوق نـــــوت

تكفي غرابيل الزمن والناس وأشباح البعـــــاد
ماعاد لي قدره وأنا همي لبسني لبس كــــــوت

ما أبي جماد يفوت.ويجيني على حوله جمــــاد
وأنا ماغير أرقب جماد يفوت وإلا ما يفـــــــوت

أبي قبالك حي .... يا لذّة نسانيس البـــــــــــراد
لا يا بعد والله مقابل صاحب القلب الشمــــــوت

وأنا أدري إنـك جامعه شمل المطاوع والعنــاد
وأنا أتجمّع لك زعل مثل زعل لعب البلـــــــــــوت

روفي بحالي وإرحميني يرحمك رب العبـــــــاد
اللى رحم يونس بعـد ماامسى تحت فكين حـــــــوت

وتبصّري بآخر ثلاث بيوت أبا أكتبهن جـــــــداد
تو إستثارن هاجسي .بس إفهمي معنى البيـــــــوت

الزير ما يعرف لو إنه طاع شور إبن عبــــــاد
والموج ماله ذنب لو يغرق شراع الجيلبـــــــــــوت

والأرض معذوره إذا تبكي من أفواج الجـــراد
بس الجبل مخطي ليا بكـّاه سلك العنكبـــــــــــــــوت

والتوت الأحمر له معي كلمة ولا يمكن تعــــاد
يا توت تبقى لو جفتك الأرض عند الناس تـــــــــوت

استجمعي فكرك ترى التفكير نوع من الجهــاد
واللى يجاهد حسبته يا ينتصر وإلا يمــــــــــــــــــوت

وانتي من اسيادالنصر .. والنصر سيّد لا يساد
لكن تسيّدتي عليه .بقوّة الفعل الصمـــــــــــــــــــوت

هذي صفة فيك.وتحقّق لي كمال الإعتمــــــاد
وأرتاح من هم الحكي وأنام بأحضان السكـــــــــوت

لأنك أكيد بتعرفي.ماهي بدايات إبتعـــــــــــــاد
ولاهي سماع الصوت .لأن المسئلة ماهيب صـــوت

•·.·°¯`·.·• ( هلوسه وارتجاج ) •·.·°¯`·.·•


ضحكـي بـ يديك .. ودمعتي .. برضو.. نواصيهـا بـ يديك
تقـدر تضحـّكني وتبكينـي ..وتلحـق مشتهـاك

اللـه عطاك .. وسلـّمك أمـري .. وأمري محتويك
إحفـظ حقوقي .. وإلطـف بـ حالى .. بعد ما الله عطاك

العفـو عنـد المقـدرة .. والعـدل شيمـة والديـك
وأنا ولـد هـادي معـك .. وأكبر مشاغـب .. من وراك

هنا آآتفـّرق منك .. وهناك اجتمع .. وآآذوب فيـك
والخوف جـايز . من هنـا .. والموت حتمـي من هنـاك

وأكبـر دليل إني .. ليا حاولت .. يوم أزعـل عليـك
لقيـت قلبي كل ما يزعـل .. يـدوّر عـن رضـاك

وإذاك تـذكـر . يوم كنـّا بين أجيـك أو ما اجيـك
وشلون قلبي كسـّر .. الرهبـة تحت صـدري .. وجـاك؟

ماجـاك.. يهـلك فـي نجـاتك .. جـاك ينجـى بـك .. هليك
لـنّ .. النجاة (بما تنـص اللائحة )عندك هـلاك

ياللى.. هـلاكك .. مبتكـر على نظـام الهـدروليـك
مهمـا يكن حجـم الألم .. يمنع وجود الإرتباك

لبـّا الهـلاك اللي كـذا .. يوم انتهـي بـه .. وأبتديك
وألقى نظام الطيش .. يرسمني على فوضـة صبااك

وأنا ولا أدري . لبه أنا أظما لك؟؟ وأنا أقدر أرتويك ؟؟
تدري؟؟ أقولك شي؟ أحلا شي ؟ يوم أروى ظمـاك

أبيك ياعمـري .. وإذا ما تعجبـك كلمـة .. أبيـك
خذهـا بـ لهجـة ساكنييـن (دبـي) ياعمـري أبـاك

يكفيك لامـن غبـت .. مالك إسم .. غير إسم المليك
وإن جيت عقب غيـاب ..مالك إسم ..غير إسم المـلاك

حشمـة غـلا .. وإلا غـلا حشمـة .. وذيك تعـز ذيـك
غـلاك يفضـح حشمتـك .. وبحشمتـك .. يـُستـر غـلاك

يا قبلة الله .. كل ما أتخيـّل.. تقـوّس حاجبيــك
لاطـارت عيونـك عجـب .. وأغضيت من زايد حيـاك

أفقـد وجود الجاذبية ..وأرتفـع لك .. هيـك هيـك
.وأطلـع بعـد أكثر .. وأكثر .. لين تحضني سمـاك

وألقى سماك ..تلفـّــني من حول .. كوكب ناظريـك
وأسمع .. مماليك الكسـل .. تفخـر بـ عهــد الإمتـلاك

حالة .. تجـرّد .. وإرتجاج .. وهلـوسـة .. تنسـب إليـك
أمـّا أتحمـّلها ..عنـك .. وإلا أتحمـّلها معاك

مع إن مالي ذنـب .. بس أقـول .. يرضى لي عليك
الله يسعد لي صباحك .. قبل يسعد لي مسـاك

شفـت إن ربـّي .. سلـّمك أمري .. ولا لك أي شريـك
إلا أنـت .. وعيـونك .. وخـدّينـك .. وتذويبـة شفاك

•·.·°¯`·.·• ( آفــــــة الذوبان ) •·.·°¯`·.·•


يا زاكـي العرقيـن .. يـا أعـز منسـوب
يـا مرجـع أنسـاب الوفـا .. والنظـافـة

أزعلت من شانـك حكومـات .. وشعـوب
ولا لحقنـي مـن زعلـهـم .. حسـافـة

واللوم إبن عم الحسـد .. والحسـد ثـوب
لا طالـت كمـومـه .. تشـقـق كتـافـه

لوّامتي بك .. صاروا .. قـروب وقـروب
وإن زادوا .. أزيـد بهـواك .. المسـافـة

يعني عشاني متعـب .. قلـوب .. وقلـوب
تعلّقـي بـك .. صـار مثـل الخـرافـة؟؟

بس أنت غيـر .. وكـل مافيـك مرغـوب
والهـرج .. عقبـك بالصبايـا .. سخافـة

تحشم .. عن الرفلات .. والطفق .. والعوب
مخلـوق كامـل .. مـا يبيلـك إضـافـة

طيب .. وابن ناس .. ومسامح .. وحبّـوب
وافـي .. طبيعـي .. ماتـحـب الكـلافـة

أهيف حشا .. مغناج .. رقراق .. غرشوب
مزّاح .. سمـح قبـال .. مـا بـك لقافـة

ميّاس .. ليّن .. مورد خـدود .. رعبـوب
ثقل .. وعقل .. وأبعـاد فكـر .. وشفافـة

هرجك .. مسافة .. جمرة اشفاتك .. دروب
خلطـة عسـل دوعـن .. بـسكـركنافـة

أما إنعطافة خصـرك .. حكايـة ـبصـوب
يبغـي لهـا .. شـرح .. ودروس بكثافـة

ما أكذب لا قلت إنك .. مربرب .. ودبـدوب
وما أكـذب لا قلـت إنـك زعيـم النحافـة

يا دوب .. أقاوم سحر عينيـك .. يـا دوب
ماني حمل .. خصـرك .. لا زاد إنعطافـه

اتركني أذنب .. في عيونـك .. ولا أتـوب
ذنبِِ .. ولا أحـلا منـه .. كـود أقترافـه

ذيك العيون .. اللي بهـا بيـت مصبـوب
عين المهـا .. بيـن الجسـر والرصافـه

فيهـا آتذكـر مـا ورا معـتـق الـطـوب
وقلوبنـا بـيـن الأمــن .. والمخـافـة

وصدري ..نزاعات .. وعداوات .. وحروب
وصدرك .. صراع الملك .. بعـد الخلافـة

والصمت سيّد .. والحكـي عبـد مغصـوب
والـدم نــازل .. بالـعـروق بـكثـافـة

والشوق جسم . وروح . طالب .. ومطلوب
واللـون .. بايـن بالوجيـه .. إنخطـافـه

باللحظـة هـذي .. ينعـدل كـل مقلـوب
وتقرب .. وأنا أقرب .. منحنـي بالتفافـه

وأذوب .. وأنت تذوب .. وأذوب .. وتذوب
واذوب .. وتذوب .. وذوبانـك .. آآآآفـه

إي والله آآفه .. تثمل العقـل .. بإسلـوب
يعجـز خيـال .. أكبـر رمـوز الثقـافـة

ثمالة .. بنشـوة صحـاوة .. بـماجـوب
بـعلـوم ظفـرة .. بإنشـراح بـظـرافـة

يا كثر ما منّك .. وما فيـك .. والنّـوب؟؟
يبونـي أستطـول .. علـيـك المسـافـة

•·.·°¯`·.·• ( يافاتنة مطلق ) •·.·°¯`·.·•


يا فاتنة مطلـق .. ولا عليك أمـر
....................... تقـرّبي .. وأدني مـن العـذق خـرزة

أبا أنظمـك مسبـاح .. مـن عذق التمـر
....................... صعبـــة أنـا أدري بس أبا أصنع معجزه

يا معجزة عمري .. وتبسيطـك عمـر
....................... أستبسطــه .. وأعيـش به .. وأستعجـزه

لقيت بك بيـض .. المراويح السمـر
...................... وفقدت بك .. فوح السموم المفرزه

وأخذت بك .. جود الهبايب للجمر
....................... ودفعت بك ... بخل السنين المعوزه

وأوجـزت بك .. سهبـــة لياليـك الحمـر
...................... وفصـّلت بـك ... كل الليال الموجزه

حتي عقدت لبعد ( قربك ) مؤتمر
......................أنـا .. وقلبي ... والهموم المجوزه

لين إتفقنـا .. ناخـذك ليلـة سمـر
...................... تبقي على صـدر الزمن .. متمركـزه

يا أم العيون اللي بصحوتهـا خمـر
..................... وتفقد .. بخمرتـها العقول المنجزه

فديت روحك .. جاك شعري منسمـر
..................... يستخفي .. بجهلـك .. وعرفـك يبـرزه

وأنا .. وشعري .. والطواريق القمـر
.....................متلعـوزين .. وقاصديـن اللعـوزه

لين الثعالب تفتكر .. صمـت النمـر
.................... قبـل النمـر .. يغمز ابليس .. ويغمـزه

وكان القصايد هـم زيدان وعمـر
.................... أنا أعتبرهـا شغلـةِِ مو محـرزه

لكن فيك أنتي مدى الحكي الثمـر
.................... وأنا مـدى فخـرك .. وصنـع المعجـزة

تفاخـري (بمطلق ) ولا عليك أمـر
..................... شاعر قوي باسـه .. ومـن رووس عنــزه

•·.·°¯`·.·• ( سلطان ) •·.·°¯`·.·•


سلطان أنا وجهــك .. ووجهــك مراتي
........................................ وأنا أدري إنك من غيابي تضايقـــت


وأنا حضوري فيك .. وأكبر غناتي
........................................ إنك لــ طلّة وجه مطلق .. تشفـّـقـــت

وإنك تخاف إني أصالح عــداتي
........................................ وإني لـ تعسيل السواليف .. صــدقت

لا .. يا ابن عمـي .. لا..لا وإسمع للآتي
........................................ دامي شربت الكيف الأشقر .. وروّقت

سلطان شفني فوقهم لاتحاتي
........................................ وشفني على متون الكواكب تسلقــــت

نسجت من خيط المعزة عباتي
........................................ وبـ دهن عود النجم الأوحد تعــرّقت

والناس لو تقدر تسوي سواتي
........................................ ما شفتنـــي يا ولد عمي تفوقـــــــت

ذي تونس الخضرا .. وأنا أكبر زناتي
........................................ جمعتهم تحت .. وطلعت وتفرقــــت

حتي خذا لون الفضا لون ذاتي
........................................ وطلبني أغيب نجـــــــــومه ووافقت

فـ إن شفت داخن عودهم بـ جمراتي
........................................ أحرقتهم من قرب ولا تحــــرّقـــت

وإن شفتهم يبوني أقطع صلاتي
........................................ حجـّيت بيت الله وصمت وتصدّقت

وإن شفتهم يبوني أفقد ثباتي
........................................ غديت مثل طويــق .. ولا تطــوّقت

فلا يزعلك سلطــان كثر إلتفاتي
........................................ إزعل علي لو شفتني .. يوم دنــّقــت

عن مــدّة البندق .. تكفي عصاتي
........................................ ولو إنهم كفـــو... البنادق تبندقــــت

وإن شفتني ساكت وطوّل سكاتي
........................................ تأكد إن المسئلة .. مسئلة وقــــــــت