•·.·°¯`·.·• ( الشاعــر ياســـر التويجــري ) •·.·°¯`·.·•

•·.·°¯`·.·• ( الفخ ) •·.·°¯`·.·•

مـابـيـك يـابـنــت الــحــلال اتـركـيـنـي
دربك وعر..ورمال..مكحـول فـي فـخ

أنــــا فـقـيــر ورأس مــالــي حـنـيـنـي
وأنـتـي مـتـونـك بالـلـذيـذات تـنــزخ

تـبــيــن لــنـــدن مـاتـحـبـيـن كـيــنــي
وسواق خاص ولبس فاخر من الجخ

وإلـيـا أهتـويـتـي قـلـتـي يالله تجـيـنـي
أسرع ترى شوقي علـى النـار يطبـخ

يـاهـيـه أصحي..وأعقلي..وأعـرفـيـنـي
أمــــوت عـــــز ولاتــذلـــل وألــبـــخ

يـلـعـن أبـــوك وجـــد جـــدك مهـيـنـي
وأنــا عـزيـز وكـــل ربـعــي مـطـنـخ

مــن لآبــةٍ يـسـوون عـنــدي سنـيـنـي
لضيـوفـهـم حـيــلٍ جــزالــي تــنــوخ

والــحــب مــاهــو لــــك لوتزعـلـيـنـي
وحــزوم نـجـد لــرأس مثـلـك تكـمـخ

الـحــب يـبـقـى فـــي حـشـايـا دفـيـنـي
الـلـي عـلـى وكــره إلاجـيــت يـكـفـخ

أبـــــو عــيـــونٍ كـنــهــا جـمـرتـيـنـي
وأركـو عليهـا كـل الاوقــات بالنـفـخ

أشـتـاقـلـه لــوهــو مــوكـــر يـمـيـنــي
واصبر عليه شهـور مرسـوم بالمـخ

ومـــع الـسـلامــه لاتـقـولـيـن ويــنــي
روحـي عـسـاك بـوسـط نــارٍ تـبـوخ

عـسـاه لامـنـه حـيـى الـشــوق فـيـنـي
وسألـت قـالـوا مـاتـت الـعـام يــا أخ

الفدائي

أحضر أحضر ياملازم ضبـط صـف مدرعـات
واجبـك يفـرض عليـك وماكـسـرت تجـبـره

طالبينـك فــي مهـمـه للغـنـات وللمـمـات
كـن نجمتـك اللميعـه مـن زمــان مغـبـره

انـت تـدري فالملاقـي مانـعـرف مسمـيـات
ورتبتـك ماهيـب درعـن لنقصـفـت تكـبـره

أحضر أحضر وانت جندي صلف من ضمن المشات
خطوتـك حسبـه وقاعـك وانـت تمشـي شبـره

المسلتـح مايهـاب المـوت ويعـشـق الحـيـات
مثـل نـاس فالحجـاره والشـطـوب مـوبـره

المهـم أحضـر مسلـح واحسـب ايامـك فـوات
واعتبـر نفـسـك فـدائـي واللـيـال مـدبـره

خلك ألعن من يهـود الغـرب فـي شـط الفـرات
والوسيـط اللـي يـردك قبـل شـوتـه زبــره

أعتبـر نفسـك مـن اللـي مايقومـون الصـلات
وياكـلـون ام الاذان الـلـي خلـيـط مهـبـره

أركب اللي قفوهـل صخـره ومنطحهـا حصـات
كنهـا قطعـة جبـال طويـق جــات معـبـره

مـن طـراز برادلـي اللـي تحـذف الطايـرات
لقبلـت سلـتـه وان اقـفـت كنـهـا متقنـبـره

فوقهـا lo المشـرم دعـم واربــع قـاذفـات
طبـروهـا فالذخـيـره والجـنـوب مـطـبـره

حدهـا للـي تفرعـن بيـن تـرفـات البـنـات
واحــد ضـمـن نــاس فالـزمـن متكـبـره

خـان وقفـات النشامـا فالسنـيـن الماضـيـات
ناكـر المعـروف رح لـه وان تكـلـم ثـبـره

قله إخدم لعـن ابـوك ولا كـلام امـع العصـات
وازقـره وانفـخ عليـه وعطـه علـم وخـبـره

قـلـه أن ايــوب ذالــك مبـعـوث وثـبـات
لكـن إن العبـد مثلـي مـن علـيـك يصـبـره

وانـت تخبـص فالعلـوم ولاتجيـب ألا الحتـات
وإتخبـط فـي كـلامـك فالفـضـاء وتنـبـره

علمـه انــا رجـالـن مانحـسـب الغـاديـات
والخبـل لاكـثـر هـرجـه مـاتـروم نعـبـره

لكـن إنـا ماخذينـا كـل زيـنـات الصـفـات
عندنـا عيـبـن وراثــي مايظـيـع نسـبـره

عشقنـا دقـم الخشـوم اللـي طـوال معنفصـات
وكرهنـا للـي غـدرنـا والجـمـوع مكـبـره

وانـت ياللـي طالبيـنـك ومتـحـزم للمـمـات
ارجـع ارجــع يالفـدائـي العـلـوم مـدبـره

وفـر الطلـق إفخبـاه وعطـه ضـرب فالقنـات
وارجـع لـدارك وقاعـك وانـت تمشـي شبـره

شآآآآآآآآآعر كبير ياسر وما قصرتي فييه .....

مشكووره خيتوو عالابيات الشيقه....

صراحة مجهود يسلموووووو

يسلمكم ربي

وشاكره لتوااجدكم


تحياتي