~""الشــاعر فيصــل العدوانـــي""~

بدري حبيبي

بدري حبيبي تعال اجلس هنا اقبالي

ودي أملّي عيوني وخاطري بشوفك


أجلس يا دوبك وصار الوقت يهنالي

مدام سمحت لك الأيام وظروفك


ياما وياما سهرت الليل ياالغالي

ارسم خيالك وعانق بالهوى طيوفك


واكتب قصايد نثرها الشوق في بالي

وأفرح إذا ما زهاها حرف بالحروفك


تبغى الصراحه .. احبك يا بعد حالي

وعقلي سلبته وقلبي صار ملهوفك


ما يوم والله أطاوع فيك عذالي

لو هم يقولون جروحي بسبت سيوفك


تبرى جروحي وأحس الكون يصفالي

لا صرت يمي وكيفي لامس أكفوفك


بدري حبيبي تعالي وخلك اقبالي

وبالله كمل علي اليوم معروفك

ياحمووود



يا حمود ما والله كتبت الشعر كيف

همٍ لجى بي قلت أعبره ببيات


شعري وانا خابره ما خلطه زيف

وما قد عصاني يوم انا قلت له هات


كنه يصرف عني الهم تصريف

والقى بحروفه طربةٍ لي وسجات


وكنه ليا هاجت بصدري عواصيف

يقطع بي أميال الفكر والمسافات


مجنون يرقى بالضلوع المهاديف

صاحي وله في عالم العقل بصمات


سهلٍ صعب به جد وانوع تخريف

لين وقاسي ولا حصل فيه ميلات


لا ما تكلف في حروفه تكاليف

يجيبها وتجي على كيف ماجات


أيه والله اني عارفه دون تعريف

خديم روحي بالشقا والمسرات


كم مرةٍ زرته من الضيق و الحيف

وكم زارني مره ومره ومرات


يا حمود ما والله كتبت الشعر كيف

الشعر يكتبني ليّا قلت له هات

كم وكم


بالله قلي ماكفا ............

منك الجفا ...........

ودمع (ن) حدر لجلك...............

..........عليك

يا اعذب انواع الشتات.............

قلبي عشق حتى الممات ............

......لوكان من طعنة يديك


( * )( * )( * )( * )( * )( * )( * )( * )

بالله قلي وش تبي ......؟؟

بجاه النبي ..........

وبجاه من كبر وصام.....

ثم طاف بالبيت الحرام.................

يرجي من الله رحمته والصفح في يوم الزحام

قل وش تبي.......؟؟

ارجوك علمني شتبي ........

ولاتترك الحيره علي...........!!

يرسم ملامحها الحزن..........

..........ويموووووت ضي!!

..وتوه في بحر الشقا

مجدافي همي ...... والالم

واتعطش اللحظه لقا ..................

حتى ولو عشت........ بوهم


( * )( * )( * )( * )( * )( * )( * )( * )

وان كنت في مره خطيت........

قبلي تماديت بخطاك............

ولاقلت الا مسامحك................

وترد في نفس الخطا...... !!

وارجع و اقول امسامحك......

..........واسااااااامحك..

وانزفلك احساسي شعر...........

واجمعلك اعتابي قصييييييد..

واذكر كتبت.....!!

حبيبي كم وكم مره تحملت الخطا منك
--------------------اداري بداخي حبك واحاول اكتم الشكوى

غرامي والشعر فني ..وجرحي بالهوى فنك
--------------------تبادلني قسى حبك وابادل قسوتك نجوى

صحيح اني نويت انسى غرامك وابتعد عنك
--------------------ولكن حظي العاثر تركلي قلب مايقوى!!

تركلي قلب يتناثر شتاته لاضحك سنك
--------------------وتصبح كل زلاتك بعيني شي مايسوى

تطمن يا بعد روحي وابد لايدور في ضنك
--------------------حبيبك يا نظر عيني تعود منك البلوى

تدلل وطلب اعيونه حراااام ليقولك جنك

لك الله ماحدن مثلك غدابه من بني حوى..!!!!!

قروض



وهذه القصيده تتكلم عن المشكله
التي تكلم عنها المجلس الامه .. ألا وهي القروض



الليله الليه نبي نفتح الباب
يعني بسولف واكثر الناس دارين

سوالفٍ علمو بها اقراب واجناب
ماهي سياسه يعني بين بينين

دامي بديرة عدل ماني بمرتاب
والشكر للي رابط الحكم بالدين

ولا يقطع الارقاب سوا رب ما غاب
اللي خلق لي عين .. و من هالجهة عين

حنا إبتلشنا بين صادق وكذاب
وإشاعه تمشي ولا ادري على وين

ضعنا وتهنا بين مجلس ونواب
مابين طاح الدين .. وماطاح هالدين

عضوٍ يهدي وعضو منهد طلاب
هذاك طيب وهذا والله مليعين

وعضوٍ يهدد والهدف كسب الاعجاب
وعضو محبة ديرته بين قوسين

والا الحكومه لنسبت وسط هالناب
حلت وزارة مالها كود شهرين

والدعوه ضاعت بين صيحات وسباب
وحنا انفقرنا ولا جنينا ملايين

هم المواطن بس تكسير الحساب
والقسط يذبح لا وصل حد تسعين

(( فهد )) يبي لعبه و (( شيمه )) تبي كتاب
و (( هلآ )) طولت وقصرن الفساتين

والراتب الماخوذ عشرة الشهر ذاب
طار وتبخر ما بقى منه قرشين

غير العنا تزاحمت ذيك الاسباب
حوايجٍ خلت لها البال بالين

وشفيها يعني لفتحو كم دولاب
من خزنة الدوله وعسى ربنا يعين

حنا أحق من الاجانب والاغراب
والشعب طيب وانتو أصل الكريمين

بس بصراحه لو شعر عارضي شاب
هذا البلد عندي بكل البلادين

فيه بركة والخير به حيل جذاب
والطيبه بأهله ما تبدل بثنتين

يالله طلبتك وانت لي خير طلاب
تحفظ بلدنا ورددوا بقول آمين

ولا جيت يم الحق محتاج لإعراب
بقول انا الزبده وابي تسمعوا زين

حنا عشقنا كويتنا سيف وتراب
من قبل يظهر نفطها والبلايين

وآل صبآح من دونهم ترخص ارقاب
سآكن غلاهم دمنا والشرايين

واذا فتحنا باب بنسكر ابواب
والشعر احرف ويتدون عناوين

وهذي سوالف قالها اقراب واجناب
ماهي سياسه يعني ما بين بينين

عدت بكيفي


كلمتك عدت بكيفي لاتحسبنها شطاره !!
والله اني مانويت اجازي السيه.. بسيه

ولانويت اقسا عليك وانت ماعندك جساره
وش لك اتكثر حطبها دام مالك مقدريه؟؟

من عرفت العلم واسمع بالخبل هرجه دماره
وانت خليت المقوله ثابته ميه في اب ميه

ليتك اللي ماتكلم واحتفظ بقصى قراره
ولافتشت علومك اللي عرضتك المهمهيه

ايه شبت نارها والنار مبداها شراره
وانت مثل اللي تهبد جوفها والنار حيه

عندنا للخبل منها ميسم(ن) ينطق حراره
نلحق بعلباه كيه ولاصرخ زدنا.. بكيه

ان صحا نفرح ابشوفه .. وان غدا..ماهي خساره
ماهو بغلا طروش جدي وروحة(ن) من غير جيه

بس انا عندي نصيحه خذها من باب (الاعاره)
لا تعزوا دام مالك لاشداد .. ولامطيه

جيت يمي بالقشر وابلاك ربي بالقشاره
والا انا مرضى الاهانه لاعليك ولاعليه

حاشم(ن) نفسي وحشم اللي حشمني في وقاره
واحد(ن) لاجاك فازع ياسعد منهو خويه

واحد(ن) حافظ مقامه ولا إلتفت في بنت جاره
وان نصيته بالحذيه قال تبشر بالعطيه

ذاك لو تعطي يمينه مادرت عنها يساره
اجودي(ن) مايجالس كود ناس(ن) اجوديه

كل رجل وله ميول .. وكل نجم(ن) له مداره
وكل سيف(ن) له جفيره من عصور الجاهليه

والرجال اشكال وادري عرفهم مثل التجاره
بعضهم يغنيك عرفه .. وبعضهم لارحم حيه

والزمن نفس الزمان ولاتغير في مساره
الاوادم هي تغير طبعها صبح .. وعشيه.!!

بس انا باخر كلامي بختم اب هاذي العباره
(الاصابع في يدينا لاحشى ماهي سويه

المزاج

المزاج اليوم عالي وفللي
رايقٍ بالي وجوي معتلي

بس كذا لزوم الانبساط
انت يآ (( عايد )) بصوتلك (( علي ))


لا تجادلني ولا تزيد الملام
أحمد الله مادعيتك (( فرغلي ))


يا ولد هالدعوه خربانه معي
يعني لا تنقد ولا تشره علي


ودي أضرب كل شي بعرضٍ بطول
وأترك المنكوس وهوبالت هلي

ثم بوجهها على الشعر الفصيح
بشتويه أحيآن وأحيآنأ قلي

أقترب ببدا وثم خلك معي
من بعد هالشطر دقق مدخلي

لي فتاةٌ عذبتني بالهوى
لم تُزيِنُها الأَسَاورُ والحُلي

بل هي من زينت تبر الجبال
صاغها من هو بعرشٍ مُعتلي

قد رأيتُ منهآ السبع العِجاب
إن مشت مآلت غصون السنبلي

طرفها يخطر إليك بالهلاك
إن تداعت بالحرير القاتلي

(( ورعةٌ )) ما مِثلها عيني رأت
(( أمحقت )) قلبي وجسمي ناحلي

ورعةٌ مع امحقت هذي لنا
لعنبو هالعرق يصلاني صلي

قلت أبسلك مير ما سلكت موانا
مبتلي نفسي ولاني مبتلي

قرد حظي كآن شعري ما ذكرت
القصايد ما اتعدى منزلي

ويابري حالي من حرووف السكون
والماخوذ الجر وأبن الدؤلي

كلمتين وكني داخل في جهاد
ناشفٍ ريقي وحالي امبهذلي

لين طالت يا عساها للذهاب
وانكتم صدري بعد ماهو خلي

عايد اسمع طالبك انسى القصيد
واللي قلته لا يحط بفايلي

ارم ما قلته ورا ظهرك وكاد
والسموحه منك لا تنقد علي

ســـلام الله

ســـلام الله علـــي خـــلٍ خليلٍ خـــلا خلانــــــــــه
وأنا عقــــــب الخيانـــــه خايــــن الخلان خليتـــه

وسكــــن عقـــب الغــلا غلٍ تغلغل والتغى شانـه
وهــــو اللي بغـــلا علل ايديني ليـــت ما غليتـــه

وشكيــت وشكوتـــي شكٍ شبك والـروح بلشانـه
بشـــوقٍ شاقنــي واشقي شروش القلب وأشقيته

تزلــــــزل حبــــه وزلـــزل زلالــــه يوم مــا صانـه
وزال الحـــــــب مـــن زلـــه كبيـــره ثـــم زليتـــه

وهيقـــت إنــــي قويت انسى غرامٍ صعب نسيانه
ولكن بنسى وأتناسى وأقـــول إنــــي تناسيته

كفايــــة ياهوى يكفـــي كفنـــت القلـــب بكفانه
وكفك ماكفف دمــــــــعٍ كثيــــف منــــك هليتـــه

سلام الله علــــــي خــــلٍ خليــــلٍ خــــلا خلانــــه
وأنا عقـــــب الخيانــــه خايــــن الخـــلان خليتــه

يسسلمو على تواجدكم