في الإجازة : هل تؤيد السفر ومزاحم الخلق بديارهم ، والا ...!

شطحة معترضه : لا أحد ياكل جريش تراه يجيب البُهاق . قسم بالله اعرف واحد دايم ياكل منه وآلحين صار لونه شفّاف من كثر مالعب البُهاق فيه
لذلك . اللي مسوي فيها راعي أكل شعبي يحاول يخفّ يده شوي ويقلب على كنتاكي تراه اطيب .
بعدين ترى كنتاكي عندهم سلطة مهوب صااااااااحيه . فيها طعمتن حاليه
بس بصراحة أوّل مرة اشوف سلطة مسوين فيها زحمه وحاطين عنها إعلان بكل مكان ومابها إلا نوع واحد . ملفوف .. ملفووووف بس . ياااااالله انك تكرّم النعمة بس !

الإجازة

ناسن تضفّ عفشها تبي تصيّف باندنوسيا عشانها رخيصه .
وناسن لها اسبوع قاعده تشري ملابس سباحة واساتك عشانهم بيروحون للشرقية
ناسن تبي تروح تعتمر وتتعبّد الله ويمرّون بعدها على جدة ويغيّرون جو ويشربون معسّل <<-- الله من زين العبادة والعمرة بعد

وفيه ناس يسمعون بالإجازة واطلق شي يروحون له حديقة سلام والا يتقاطون مع جماعتهم ويروحون يوم الخميس لملاهي الحكير ويحللون ابو ابوها ويجلسون من الظهر ليييييييين الساعة وحدة وربع من الليل
والله ياهم بعد محللين تذكرة الدخول
لا واللي العن من تسذا يدخلون بزمازمهم عشان عيالهم مايشـــرون عصير يقولون ماله داعي الخساير . لا ويجيبون بعد معهم بليلة بقدر مصلحينها في بيتهم عشان ياكلون عيالهم منها ويوفّرون دراهمهم ههههههههههههههههه
ياليل القعط ياشيخ

لذلك السؤال اللي يجي منبطح على بطنه :

* هل تؤيد انك تسافر وتفلّها وماتخلي ديره إلا وتروح لها والا تشوف انك تقعد بديرتك وتختخت قريب قريب وتريّح راسك ؟

تخيل الف العالمـ كله ولا لو اني بنت مدري مين !

اكثر شي وان كثرت ديرهـ وحدهـ ..

يسلموو خيوو يـآ ابو ثلاث نقط وفاصله ..

آآآآآآيه يالفاصله جبتها عالجرح << تهي تهي < فيس يبكي

الإجازة عندنا قسم بالله كلها إستغلال في إستغلال .

قسم بالله لو ماحمى هالخنازير << الله يقلع هالخنازير خخخ ) كان دورت لي دوله أصيف فيها
أنا أعرف واحد من الشباب قضى شهر العسل بماليزيا بـ 20000 ألف << يابلاش

وهالمخنزين اللي عندنا قسم إني رحت للطائف أبي لي شقه حق شهر اجلس بالطائف وأغير جو قالي بـ 18000 ألف

18000 بس إيجار من غير التمشيات والاكل والشرب واللعب و.....و......و.... ألخ يعني أقل ماراح اصرفه

عشان آخذ شهر بالطائف 40000 ألف من دون مبالغه لان الأسعار يانار ياحبيبي نار >هع

40000 ألف والله تعيشني برى ملك مع سواق خاص بي

<< يروج للسياحه الخارجيه هههههههههههههههههههههههههه


يعني بالعربي ما ماسكني غير هالخنازير الله يقرفها ولا كان تلاقيني على اول طائرة لتركيا << يدور لميس خخخخخخخخخ
بس عاد وش نسوي نقعد والله يعيننا على هالحراميه اللي أكلونا أكل

لو فيها احد مرجوج وناوي يسويها ما اقول لآ لو ادور الكره الارضيه باكملها بصيفي ما اقول لا...
تقبل مروري...

السلام عليكم ورحمة الله وبركاته

السفر وما ادراك مالسفر

الكل ينتظر هذه اللحظه لحظه الاجازة من طلاب وطالبات وموظفين وموظفات وحتى العاطلين عن العمل

هناك فئة تحبذ التجول في ارجاء البلد بين مناطقه وفئة تحبذ السفر الى الخارج


الان جاء دوري للاجابة على وجهتي هذه المرة

قبل ان اقول لكم اين وجهتي سأعترف لكم بشيء وهو اني اهوى السفر واعشق

السفر لدرجة اني مسافر دائما حتى في الايام العادية ولكن داخل بلدي

في الصيف سفري يكون الى خارج بلدي الحبيب

هذه السنة أخطط واعترف لكم اني قد خططت وانتهى الامر وحجزت مع اصدقائي الى خارج المملكة

بعد عدة اسابيع إلى اندونيسيا ان شاءالله فهذه اول مره اسافر اليها


بعد ذلك سأعود الى المملكة في منتصف شهر شعبان وسأذهب عن طريق البر إلى الاردن لاتمم بعض الامور المتعلقة بي


واذا اطال الله في عمري سأقضي شهر رمضان بين اهلي هنا في مملكتي الحبيبة


تحياتي للجميع وشكرا اخي صاحب الموضوع

بالعكس السفر شي حلو

ع الاقل الواحد يغير جو ويستانس ويحس انه عطل

بالنسبه لي انا من الناس متوسطه السفر اكثر سفرنا خارج المملكه خصوصا الاردن ,سوريا و لبنان

بس الفتره هذي عشان دراستي بالغربيه قل سفري ولكن صيفنا هذا ان شاء الله بعد اسبوعين بنسافر سفره داخليه وبعدين بنسافر الاردن الشقيقه وبنزور الخوال الاعزاء

تحياتي لك