الى كل سعودي وسعوديه

مرحبا ..

لكل نفر\هـ

ازيكوا ..!؟؟

الموهيم بخش بالموضووع


إلى كل سعودية وسعودي
ارفع القبعه احتراما وتقديرا..
بارككم الرب وجزاكم الجنه خير جزاء للصابرين

كلنا تمر علينا لحظات تفكير عنيفه..تاخذ الواحد لبعيد..
وكل شخص له اجواء خاصه تحفز مثل هالافكار وتخرجها للخارج..
والافكار والهواجيس تختلف من شخص لاخر..وتختلف جوده هالافكار برضو من شخص لاخر..

وبينما انا في الباص(القلب له بس اذا كانت راجعه للبيت)
و شمس الرياض اللطيفه تطبخني على نار هادئه..
قفز لعقلي الملئ بـخربشات عبيطه..حقيقة واستكشاف..


اكتشفت انا نحن الشعب السعودي العظيم..شعب.. قوي..مكافح..صبور..
شعب شعاره فلها وربك يحلها..بكل مايعنيه هذا الشعار من معاني وفوائد..

ليه؟..

اولا..على الرغم من الضايقه المالية اللى يعيشها اغلب الشعب..
والتطفير والفقر اللى يشع ويلمع من عيوننا..
الا اننا اكثر بشريه في العالم تتسوق.شغالين مقاضي من سوق لسوق..من محل لمحل
مايمديك تسمع عن كريم رائع رهيب فله الا خلص
بلوزة حلوة في المحل الفلاني تعال افلقني اذا لقيتها في اي فرع من فروع المحل
روج وردي خاقوقي..جزمه فلات مريحه..تنورة سوداء راكزه..مافيه بح اختفت
..
وياليته عالاسواق ابد فرمنا ابو المطاعم فرم..
مطاعم الاسواق تشتكي..مطاعم الشوارع.
امه لا اله الا الله عندها..
فتح تشيليز وابل بيز ولو تشوف الطوابير حولها تقول هذولاء ماعمرهم شافوا أكل
مطفرين و شغالين بلع.


من ناحيه الدراسة..
عندنا من اسوأ الجامعات والمدارس.اغبى الانظمه والقوانيين..تعقيدات ومصاعب
..
مبانينا خربانه.. قاعاتنا مكسره(اذا جيت بدخل القاعة متاهه..لازم اتأكد ان كل بلاطه بمشي عليها ثابته تفاديا لاي تعكرف والا طيحه ممكن تسبب فشيله).. حماماتنا زكيه(الله الله يا الحمامات على اخر الدوام وبما ان التصريف عندنا على قدر عالى ماتشم غير روائح الفل والياسمين)..
مكافئاتنا ماتصرف(تخيلوا كليتنا نزلوا مكافئتنا على البنك بعد معاناه دامت لسنين من التسليم يد بيد وبعد فتره وجيزة تطاقوا هم والبنك ورجعوا على النظام الاول)..قاعتنا ماتبرد(طيب تخيلوا مره ثانيه انه طول الترم الثاني اغلب قاعتنا خربت المكيفات تخيلوا في هالحر بدون مكيفتدرون ليه؟برضوا الشركة المسئوله عن التكييف عندنا تخاصموا مع كليتنا..

بس وفي المقابل الشعب شغال تعليم.طلابنا كثييييير..الجامعات والمدارس مليانه..
واجبات وبحوث تعجيزية نقدم
امتحانات صعبه نحل
انشطه نشتغل..
تفوف نتفوق
نظام التراكمي من اولى ثانوي تحسب الدرجات
القدرات
التحصيلي
تخصصات قليلة ترضى الطموحات
ومازال طلابنا يحصدون الـ99 والـ100..
هب عليكم..ماتعوق معهم ماشاء الله..


سقط سوق الاسهم سقطه..
عورت المجتمع وضربته على قفاه ضربه موجعه
المؤشر احمر احمر احمر..
والشراء اخضر اخضر اخضر
ومازال شعبي الجميل يشتغل بالاسهم..


بناتنا يقولون..
عيالنا شيون.. خشنيين..مايدلون طريق الرومانسيه..انانيين..مشهبين..مايملى عينهم الا التراب..
عيالنا يقولون..
بناتنا..شينات..دلوعات..مايتحملون مسئوليه..ركبهم سود..مهورهم غاليه..
ومع ذلك الزواجات على افى من يشي.
القاعات فل..
المشاغل زحمه..
وماليزيا تشتكى


مافيه اماكن نتمشى فيها..
لاطبيعه ولا تطور..(ياحبايبي انا..طلعت المملكة والفيصلية من خشومنا..دخلوها في كل شئ حللو ابوها تحليل)..
فماذا فعلنا؟؟..
افترشنا المخططات
مترنا الاسواق
استوطنا الثمامه


شوارعنا محفره..مكسره..معفنه..
وفوق كل ذا نعاني من زحمه مو طبيعيه..


النت عندنا خايس..
وندخل النت ونسولف ونتواصل ونحمل ونسوى اشياء كثيييير ولا بيهمنا..


هذا الموضوع الى كل سعودية وسعودي مكافح..
سلخته الشمس واعدمت جلده
اتعبه الكبت وكتم نفسه.
قتلته الواسطه وحطمت اماله


صامدون صامدون صامدون..
سنعيش..سنلعب..سنحب..وسنرقص ونغنى ولو حتى بدون موسيقى..

والله اننا قويين..
لله دركم ما أعظمكم

ههههههههه

ههههههههههههههههههههههههههههههه يخرب بيت عدوك وش هالموضوع ؟؟

خطيييييييييييره مررره بس اذا جوكم امن الدوله يسألون عنك لاتستغربييين هاه ! هههههههههههههههههه

مشكووووووووره خيتو

تقبلي مروري

فديت روحك

امن الدوله مره وحده <<<<<<

ماينخاف علي

مشكوره يالغلا هلالية

ربي يعطيك العافيه

ولاننحرم منك

ودمت بالف خير

الله الله

علئ الكلام الحلو

والله صدق احنا شعب صامدون صامدون ومكافحين لابعد حد

فديتنا بس


والله يعوض صبرنا خير


اعجبني طرحك الرائع

وماحبيت اقراء ولا ارد

عواااافي يالغلاء

هههههههههههههههههههههههههه

جدجدجد يعطيك الف عافيه يا احلى جوريه موضوعك مثل العسل مثلك الله لايحرمنا طلتك ومواضيعك الرائعه يالغاليه

عاد السعودي ما همه شي اهم شي يومه يمشي وبس فلها وربك يحلها يسلم شعب السعوديه يعيش شعب السعوديه دام عزك يا وطن فديتكم يا احلى شعب عاد يستاهلون جد



تحياتي يالغاليه ولكل شعب السعوديه

والله يحفظ ابو متعب ويطولنا بعمره

ياربي كأنك جوات قلبي الياقوتي هههههه

مرسي حبيبتي والله يحفظ لي زوجي من جد اتفرمت رجوله من السوق

منورين قميعا"
بحفظ الرحمن

هههههههههههههه
ويـآإفددددديتنـآإ
يعــطيتس العآإفية